لوبې

په خوست کې درې مخکښې لوبې

په خوست کې پخوا ډېرې ولسي لوبې عامې وې ، خو پدې وروستیو کې ولسي لوبې په کمیدو او ځای یې نړیوالې منل شوې لوبې نیسي.

کرکټ، والیبال او فوټبال په خوست کې د ځوانانو ترمنځ دا مهال تر ټولو ډیر ترسره کیدونکې لوبې دي.

په خوست کې په دې وروستیو کې د کرکټ مینه وال بیخي زیات شوې دي. کریکټ لوبه چې په دې وروستیو کې د هېواد په ګڼو ولایاتو کې ډېره عامه شوې ده، په خوست ولایت کې هم نورو لوبو ته نسبت ډېره ترسره کیږي او زیات مینوال لري، دغه لوبه د خوست په مرکز سربېره په نورو لیرې پرتو سیمو کې هم ګڼ مینوال لري.

له کریکټ وروسته فوټبال هغه لوبه ده چې مینوال یې زیات دي ، او ډېره ترسره کیږي ،دغه لوبه دخوست په مرکز سربېره په یو شمېر نورو سیمو کې هم مینوال لري او ترسره کیږي خو ټورنمنټونه یې له پخوا څخه کم شوي دي .

والیبال لوبې په خوست کې له پخوا زیات مینوال درلودل خو ددغې لوبې مینوال ، د پخوا په څېر ندي پاتې شوي ، دغه لوبه اوس هغسې توده نده څه ډول چې پخوا وه، اوس یوازې د خوست په مرکز سربېره په څو نورو سیمو پسې محدوده ده او په کمه اندازه تر سره کیږي.

هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
/* ]]> */